ಸಿದ್ದಾಪುರ: ತಾಳಗುಪ್ಪಾ-ಖಾನಾಪುರ ರಾಜ್ಯ ಹೆದ್ದಾರಿಯ ಚೂರಿಕಟ್ಟೆ ಕ್ರಾಸ್‌ನಿಂದ ಕುಣಜಿ ಆಂಜನೇಯ ದೇವಾಲಯದವರೆಗೆ ಮರು ಡಾಂಬರೀಕರಣ ಹಾಗೂ ತಿರುವು ಸುಧಾರಣೆ ಕಾಮಗಾರಿಗೆ ಶಿರಸಿ-ಸಿದ್ದಾಪುರ ಕ್ಷೇತ್ರದ ಶಾಸಕ ಭೀಮಣ್ಣ ನಾಯ್ಕ ಸೋಮವಾರ ಭೂಮಿಪೂಜೆ ನೆರವೇರಿಸಿದರು.
ತಾಲೂಕಿನ ಕಾವಂಚೂರಿನಲ್ಲಿ ಶಿಲಾನ್ಯಾಸ ನೆರವೇರಿಸಿ ಗುಣಮಟ್ಟದೊಂದಿಗೆ ಕಾಮಗಾರಿಯನ್ನು ಸರಿಯಾದ ಸಮಯಕ್ಕೆ ಮುಗಿಸುವಂತೆ ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳಿಗೆ ಸೂಚನೆ ನೀಡಿದರು. ಈ ವೇಳೆ ಕಾವಂಚೂರು ಗ್ರಾಮ ಪಂಚಾಯ್ತಿ ಅಧ್ಯಕ್ಷೆ ವಿಶಾಲಾಕ್ಷಿ ಮಡಿವಾಳ, ಉಪಾಧ್ಯಕ್ಷೆ ವಿನೋದಾ ಹರಿಜನ, ಸದಸ್ಯರಾದ ಚಂದ್ರಕಾಂತ ನಾಯ್ಕ, ಫಯಾಜ್ ಖಾನ್, ಪಕೀರಾ ಭೋವಿ, ರಾಜು ಕಟ್ಟೆಮನೆ, ಬೊಮ್ಮ ಗೊಂಡ ಉಪಸ್ಥಿತರಿದ್ದರು.
